百里香 THYME (又名麝香草) 附忌廉焗南瓜食譜

百里香多應用於調味、熬湯、燜燉等，雖然其芳香獨特，但並不會掩蓋其他香草或香辛料的香氣並會自然與它們混和，其香味需要較長的時間徹底釋放。 百里香含有豐富鐵質，對女仕特別有益。

百里香具有優良的抗菌能力，因此除了可以當作食物的天然防腐劑，將百里香沖茶飲用，可以預防感冒也能改善咳嗽和呼吸道不舒服的症狀!

除此之外，也能夠提振精神、恢復疲勞呢!

忌廉焗南瓜

材料
南瓜 約700克(去籽去皮，切粗)
鮮忌廉 3/4杯
百里香 1至2顆(切碎)  或可用乾百里香
Parmesan芝士 隨意
Nutmeg 少許
海鹽、胡椒粉 少許
橄欖油 適量

製作
1 把焗爐預熱至180度。將南瓜放入焗盤，灑下適量海鹽及胡椒粉、百里香、橄欖油伴勻。焗爐焗25分鐘。至淋身取出
2 將parmesan芝士、鮮忌廉及nutmeg拌勻。先倒一半放入焗爐焗10分鐘。另一半倒入再焗10分鐘。到表面金黃即成。

這道菜令我對南瓜改觀，誰說蔬菜不可以當主角，正因為當時做完智慧牙手術(四隻一次過ko)，不能咀嚼肉類，但為食的我，每天都想著美食，正所謂民以食為先，辛苦至在搵黎食。每天都要對自己好一點，對個胃更加好一點。

雖然有忌廉及芝士，但百里香的香氣真的很清新，一點不覺得膩。




溫馨小貼士
每部焗爐爐溫有差異，必需先焗南瓜至軟身，才放入鮮忌廉再焗，否則很快燒焦。
nutmeg在街巿雜貨店有得買或大型超巿

迷迭香 ROSEMARY 附迷迭香 百里香 蒜茸橄欖油食譜

還記得最初認識的香草就是迷迭香ROSEMARY。其實很少吃羊的我，因為這種香味不知不覺愛上了。無論烹調海鮮、雞、蔬菜、烤面包或花茶也很不錯的。迷迭香不但有提神及增強記憶力的作用，而且有去袪斑之美容功效，愛美的你應多沖泡花茶飲用。

迷迭香 百里香 蒜茸橄欖油

材料

橄欖油 300ML
迷迭香 2支
百里香 3支
香蒜 半顆切粒(蒜也是我大愛...根據自己喜好加加減減)
玻璃容器 (洗淨完全風乾)

製作

在橄欖油中先加蒜茸入樽，然後再放迷迭香及百里香， 約二至三個月左右。或可以隔水將容器連橄欖油加溫到70左右，放一星期。取出點面包食或做沙律油非常不錯!有陣陣的清香! 還可加入一點點醋伴食!!  非常健康

再加一杯菠蘿迷迭香花茶，令你全日都醒腦又提神...迎接美好的一天(懷孕就唔好試啦!!迷迭香係有刺激提神作用的，所以孕婦不宜食用) 

製成品

其實唔食用..用黎放係屋企都幾靚仔呀!!可以當裝飾品^^

溫馨小貼示

橄欖油最好買初榨的，但不可加熱

馬年第一敗...水波爐東芝KD520

靚仔嗎...?  "他"就是我的新情人兼好助手。馬年第一敗，就是"他" 東芝水波爐KD520。 對廚房用品有一點點偏好既我，從來不會敗不多於一千幾百，皆因實在太過粗魯，但認識了MIELE之後，不停找一大堆藉口為家人健康、又真係幾方便(同時蒸餸同飯又得喎、特別鐘情佢既SLOWCOOK三文魚，但仍說服不到自己(真係太貴)。


正當好努力搵梗代替品既時候...偶然...認識了"他"...(多浪漫!!)老實  第一眼 外表吸引了我!!!(女生麻)日本出外表包裝總有一手!!加以了解後，不得了...深深吸住左我個心啦!!排除萬難!! 說服自己(因為買大送細架!!個火牛都唔少野一定要有多餘位放置)  為左迎接我家新成員，幫佢改左個名叫"白豆"...咁先襯番我地豆之家族!!      

說真的..好期待你既來臨呀!!!

規格 總烤箱容量 (L) 31 外部尺寸 （毫米） 寬 500 × d 460 × 高 412 內有效尺寸 (毫米) 寬度 386 × d 300 × 高 241 品質 (公斤) 23 電源線長度 (m) 1.4 年消費力 * (千瓦時 / 年） 63.9 病房分鐘： f 微波烤箱規格 消耗功率 (W) 1430 高頻率輸出 （W） 1000 開關輸出 （W） 1000 / 600 / 500 連續連接，200 相當 烤箱規格 消耗功率 (W) 1430 加熱功率 (W) 1400 溫度範圍 (° c) 烤箱 100-350 * 2 發酵 (30・35 & 蒸汽 30・35-40・45，40・45)

其實開呢個BLOG其中一個原因就係...人年紀大，記唔到太多食譜!!  由細到大好多時入廚都係靠感覺多(媽媽教落架麻)!!  一直都不太愛好整蛋糕面包既...直到小豆出世，為健康...努力整呀!!  但蛋糕面包怎能靠感覺呢!!(神級另計)

還想認識一班愛煮、愛吃、愛分享的你!!!齊齊用水波爐，享受入煮之樂!!!  無火煮食又健康... HAVE FUN


有關東芝kd520既資料...(只屬個人分享)，再了解下...或者你都會愛上佢架...wakakak

日本東芝網頁